27 июль, пайшанба куни Истанбулда украиналик учувчи Александр Акопов Atlasglobal компаниясига тегишли йўловчи ташишга мўлжалланган ҳаво кемасини Отатурк аэропортига қаҳрамонларча қўндирди. Бу ҳақда «Апостроф» нашри журналист Осман Пашаевга асосланиб маълум қилди, деб хабар берди «Корреспондент.net».
Унинг сўзларига кўра, украиналик экипаж бошқарувидаги самолёт Истанбулдан Эржанга қараб Шимолий Кипрда парвозни амалга оширган.
«Тўрт минг фут баландликда самолётнинг тумшуқ қисмига ҳамда учувчилар хонасининг ойнасига шикаст етди. Капитан Акопов ортга қайтиш қарорини қабул қилди… Самолёт бортида 121 нафар йўловчи ҳамда олти нафар экипаж аъзоси бор эди. Акопов ён ойналар орқали йўлакни кўриш учун самолётни ёнга оғдирди. Отатурк аэропорти диспечерлари қўнишни аниқ амалга оширишда унга аниқ йўл-йўриқ кўрсатиб турди. Александр Акопов ҳақида бутун турк матбуоти ёзмоқда. Таъкидланишича, у собиқ Иттифоқнинг Украинда жойлашган учувчиларни тайёрлашга ихтисослашган энг яхши мактабида таҳсил олган. У 13908 соат парвоз қилган», — деб хабар берди журналист.
Изоҳ (0)