Швецияда толиққан альпинист аёл тоғдан тушиш учун қутқарув вертолётини чақирди. Полициячиларга эса оёқлари оғриётганлиги учун ўзи тушолмаслигини билдирди, дея хабар беради TJournal.
Ҳодиса Швеция шимолидаги Ёкмокк аҳоли пунктида рўй берди. Бу ерга етиб келган полициячилар ва қутқарувчилар аёл «бор-йўғи чарчаганлиги»ни аниқлади.
Чарчоқ ҳаёт учун жиддий хавф саналмайди, шу сабабли қутқарувчилар аёл ва унинг эрига пастга мустақил тушиш ёки вертолёт учун 3,6 минг доллар тўлашни таклиф этди. Жуфтлик вертолётни танлади.
Изоҳ (0)