Tesla компанияси ҳамёнбоп Model 3 электромобилини сотишни бошлади

Tesla компанияси ўзининг биринчи ҳамёнбоп Model 3 электомобилини сотишни бошлади. Бу ҳақда «Корреспондент.net» хабар бермоқда.

28 июль куни компания раҳбари Илон Маск Калифорниядаги заводда дастлабки 30 та автомобилни харидорларга тақдим этди.

Унинг таъкидлашича, ҳозирга қадар Tesla янги модель учун олдиндан ярим миллиондан ортиқ буюртма олган.

Аккумуляторининг қуввати 345 километрга етадиган Model 3 ’нинг нархи 35 минг долларни ташкил этади.

Унинг нархи Tesla’нинг дастлабки иккита автомобили — Model S седани ва Model X кроссоверидан 2—4 баробарга арзон.

Tesla компанияси Model 3 автомобилларидан 2017 йилнинг август ойида 100 та, сентябрда эса яна 1500 та ишлаб чиқариш ниятида.

Декабрдан бошлаб эса автомобиль ишлаб чиқариш қуввати ойига 20 минг донга етади.

Илон Маскнинг режасида 2018 йилга бориб Tesla’нинг йиллик автомобиль ишлаб чиқариш қувватини 500 минг донага, 2020 йилга бориб эса бир миллион донага етказиш кўзда тутилган.