Наманган вилоятида шакарнинг 1 килограмм чакана нархи 5200 сўм этиб қатъий белгиланган. Бу ҳақда UZ24 хабар бермоқда.
Хабар беришларича, вилоятда шакарни юқори нархларда сотишнинг олдини олиш юзасидан мунтазам равишда назорат тадбирлари ўтказилмоқда.
Шундай назорат тадбирлари натижасида жорий йилнинг ўтган даври мобайнида 37 та ҳолат қайд этилиб, тегишли чоралар кўрилган.
Жумладан, Наманган шаҳридаги Чорсу деҳқон бозори ҳудудида ўтказилган назорат тадбирида бир фуқаро 55 килограмм шакарни ҳар бир килограммини 6000 сўмдан сотаётгани аниқланган.
Шунингдек, Мингбулоқ туманидаги «Самижон универсал барака бозори» ҳудудида ўтказилган назорат тадбирида эса бошқа бир фуқаро 90 килограмм шакарни белгиланганидан юқори нархда сотаётгани маълум бўлди.
«Ҳар икки ҳолат юзасидан баённомалар расмийлаштирилган», — дейилади UZ24 хабарида.
Изоҳ (0)