Фарғона вилоятида уй-жойга муҳтож, жисмоний имконияти чекланган хотин-қизларга Ўзбекистон Президентининг совғаси — янгиланган намунавий лойиҳалар асосида бунёд этилган уй-жойлар тантанали равишда топширилди, деб хабар берди ЎзА.
Бугунга қадар вилоят бўйича уй-жойга муҳтож, жисмоний имконияти чекланган 38 фуқарога имтиёзли кредит асосида уй-жойли бўлиш учун бошланғич бадал тўлови Президент номидан берилди.
Чўлпоной Сойназарова Фарғона туманидаги «Гулшан» маҳалла фуқаролар йиғинида яшайди. Ўзи I гуруҳ, турмуш ўртоғи II гуруҳ ногирони. Икки фарзандли бу оила бир ҳовлида 4 хўжалик билан истиқомат қилаётган эди.
«Бу оилага Президент номидан Миндонобод массивидаги 2 сотихдан иборат уч хонали уй берилгани нафақат уларни, балки таниган-танимаган барчани хурсанд қилди», — деб ёзади ЎзА.
Рости, Чўлпонойга янги уй-жой берилиши ҳақидаги хушхабардан худди ўзимнинг фарзандим уйли бўлгандек қувондим. У ногирон бўлишига қарамай, ҳамиша ҳаракатда. Томорқага қарайди, уй-жойини саранжом-саришта тутади.Салимахон Маткасирова ҳам шундай уй соҳибаларидан. У Фарғона туманидаги «Ўрта қишлоқ» маҳалла фуқаролар йиғинида 5 хўжалик билан яшаб келаётган эди. I гуруҳ ногирони бўлган бу аёлнинг турмуш ўртоғи вафот этгач, бир хонали ота уйидан паноҳ топганди.Тақдир экан, яқинда касаллик туфайли ўнг оёғидан ҳам айрилди. Шунда ҳам тушкунликка тушмади. Бир ҳовлида 21 жон истиқомат қиларди. Мана энди давлатимиз ғамхўрлиги туфайли улар ўз уйига эга бўлди.
Гулнора Ҳасанова, «Гулшан» маҳалла фуқаролар йиғинининг диний маърифат ва маънавий-ахлоқий тарбия масалалари бўйича маслаҳатчиси.
«Ўзбекистон ҳукуматининг ғамхўрлиги билан у ўз уйига эга бўлди. Қариндош-уруғлар, маҳалла-кўй унинг янги хонадонини қутлашга келмоқда, давлатимиз раҳбарининг эътиборидан мамнун», — дейилади агентлик хабарида.
Севинчимни сўз билан ифодалаб беролмайман. Президентимизга минг раҳмат. 18 йилдан буён бир хонали уйда яшаб келаётган эдим. Уч хонали уй беришди.Тошлоқлик Дилафрўз Қамбарованинг ҳам бугун қувончи чексиз. II гуруҳ ногирони бўлган бу аёл бир ҳовлида 4 хўжалик билан яшаб келаётган эди. Унга Тошлоқ шаҳарчасидаги кўп қаватли уйнинг биринчи қаватидан 3 хонали хонадон калити топширилди.Қани энди кўзларим кўрганда эди, юртим равнақи учун мен ҳам ўз ҳиссамни қўшган бўлардим. Биздек кўнгли ўкцикларни қўллаётган давлатимиздан, ҳукуматимиздан миннатдормиз.
Салима Маткасирова
Имкониятимиз чекланган бўлса-да, ҳукуматимиз бизни доимо қўллаб-қувватлаб, эътибордан четда қолдирмайди. Яшаётган уйим анча хароб аҳволга тушиб қолган, уни таъмирлашга имкониятимиз йўқ эди.Президентимизнинг ғамхўрлиги бўлмаса, бундай замонавий уй-жойлар қаёқда эди, дейсиз. Ҳаммаси учун раҳмат.
Дилафрўз Қамбарова
Изоҳ (0)