Мирзо Улуғбек туман ИИБ ҲПБ профилактика инспекторлари томонидан туман ҳудудида фирибгарлик жиноятини содир этган шахс қўлга олинди. Бу ҳақда «Дарё»га ИИВ Ҳуқуқбузарликлар профилактикаси бош бошқармаси хабар берди.
1984 йилда туғилган, ишламайдиган, Юнусобод туманида яшовчи М.Ш. Буюк ипак йўли кўчаси, 103-уй олдида Чилонзор туманида яшовчи Т.М.га интернетдаги Payme хизмати орқали, 100 WMZ (долларнинг Webmoney’даги шартли қиймати) қийматидаги пулларни ўтказиб беришини ваъда қилиб, 850 000 сўм пулини олиб, ўз эҳтиёжи учун сарфлаб юборганлиги аниқланиб, ушланди.
Мирзо Улуғбек туман ИИБ томонидан М.Шга нисбатан Ўзбекистон Республикаси ЖКнинг 168-модда, 1-қисми билан жиноят иши қўзғатилди.
Олмазорда Сирғали туманида яшовчи Н.Н. ва Чилонзор туманида яшовчи Я.Э. Чилонзор тумани, Бешёғоч даҳасида жойлашган «Азия Кредит» МЧЖда таниши Д.С. га пулини вақтида тўлашни ваъда қилиб, номига 2 411 000 сўмлик Shivaki телевизорини кредит асосида расмийлаштириб, ойлик тўловларни тўламасдан, телевизорни сотиб юбориб, пулини ўз эҳтиёжлари учун сарфлаганлиги аниқланиб, ушланди.
Олмазор туман ИИБ томонидан уларга нисбатан Ўзбекистон Республикаси ЖКнинг 168-моддаси, 2-қисми билан жиноят иши қўзғатилди.
Изоҳ (0)