Mirzo Ulug‘bek tuman IIB HPB profilaktika inspektorlari tomonidan tuman hududida firibgarlik jinoyatini sodir etgan shaxs qo‘lga olindi. Bu haqda “Daryo”ga IIV Huquqbuzarliklar profilaktikasi bosh boshqarmasi xabar berdi.
1984-yilda tug‘ilgan, ishlamaydigan, Yunusobod tumanida yashovchi M.Sh. Buyuk ipak yo‘li ko‘chasi, 103-uy oldida Chilonzor tumanida yashovchi T.M.ga internetdagi Payme xizmati orqali, 100 WMZ (dollarning Webmoney’dagi shartli qiymati) qiymatidagi pullarni o‘tkazib berishini va’da qilib, 850 000 so‘m pulini olib, o‘z ehtiyoji uchun sarflab yuborganligi aniqlanib, ushlandi.
Mirzo Ulug‘bek tuman IIB tomonidan M.Shga nisbatan O‘zbekiston Respublikasi JKning 168-modda, 1-qismi bilan jinoyat ishi qo‘zg‘atildi.
Olmazorda Sirg‘ali tumanida yashovchi N.N. va Chilonzor tumanida yashovchi Ya.E. Chilonzor tumani, Beshyog‘och dahasida joylashgan “Aziya Kredit” MChJda tanishi D.S. ga pulini vaqtida to‘lashni va’da qilib, nomiga 2 411 000 so‘mlik Shivaki televizorini kredit asosida rasmiylashtirib, oylik to‘lovlarni to‘lamasdan, televizorni sotib yuborib, pulini o‘z ehtiyojlari uchun sarflaganligi aniqlanib, ushlandi.
Olmazor tuman IIB tomonidan ularga nisbatan O‘zbekiston Respublikasi JKning 168-moddasi, 2-qismi bilan jinoyat ishi qo‘zg‘atildi.
Izoh (0)