Профессионал боксда 10 та жанг ўтказиб, уларнинг барчасида рақибларини нокаутга учратган ўзбекистонлик Шоҳжаҳон Эргашев 5 август куни АҚШнинг Детройт шаҳрида навбатдаги жангини ўтказади.
Американинг машҳур Showtime телеканали ташкил қилаётган бокс кечасида асосан енгилмас чарм қўлқоп усталари иштирок этади, деб ёзди «Sports.uz» нашри. Мухлислар қизиқишини ошириш учун ҳам телеканал карьераси давомида мағлубият нималигини билмай келаётган боксчиларга эътибор қаратган.
Бунда Шоҳжаҳон Эргашевнинг рақибини айнан ким бўлиши маълум эмас. Шунга қарамай, Детройтга ташриф буюраётган яна 6 нафар боксчининг номи келтириб ўтилган:
- Шоҳжаҳон Эргашев (Ўзбекистон) — 10 та жанг, 10 нокаут
- Бахтиёр Эюбов (Қозоғистон) — 13 та жанг, 11 нокаут
- Никки Адлер (Германия) — 16 та жанг, 9 нокаут
- Владимир Тихонов (Россия) — 16 та жанг, 9 нокаут
- Ярико ЎКуинн (АҚШ) — 7 та жанг, 5 нокаут
- Сонни Фредриксон (АҚШ) — 17 та жанг, 11 нокаут
- Кларисса Шилдс (АҚШ) — 3 та жанг, 1 нокаут
Ўзбекистонлик боксчи билан шартнома имзолаган Showtime ўз вақтида Майк Тайсон, Флойд Мейвезер, Константин Цзю каби машҳур боксчилар билан ҳам ҳамкорлик қилган.
Изоҳ (0)