Ўзбекистон Республикасининг Москва шаҳридаги элчихонаси Россия ФВВга маълумотларига асосланиб, 2017 йилнинг 25 июль куни маҳаллий вақт билан, тахминан, соат 16:00 да Саратов вилоятининг Озинск туманида содир бўлган йўл-транспорт ҳодисаси натижасида 9 киши шикастланган маълум қилди, деб хабар берди Ташқи ишлар вазирлиги матбуот хизмати.
Улардан 5 нафари Ўзбекистон, 4 нафари Россия фуқаролари. Lada-Largus ва Ford Mondeo автомобиллари тўқнашган. Ўзбекистон фуқаролари Lada-Largus’да бўлган ва ўртача оғирликда жароҳат (лат ейиш ва синиш) олган.
Барча жароҳат олганлар Озинск клиник касалхонасига етказилди. Ўзбекистон фуқароларига ёрдам кўрсатиш мақсадида элчихонанинг консуллик бўлими зудлик билан Россия ФВВ билан боғланиб жароҳатланган Ўзбекистон фуқаролари тўғрисида маълумот олди:
1. Мадрагимов Маҳамадали Райимбердиевич, 1970 йилда Андижон вилояти Олтинкўл туманида туғилган.
2. Қурбонов Сирожиддин Файзулло ўғли, 1995 йилда Андижон вилояти Қўрғонтепа туманида туғилган.
3. Холматов Абдужаббор Тоштемирович, 1965 йилда Андижон вилояти Олтинкўл туманида туғилган.
4. Содиқов Миржалол Эгамбердиевич, 1988 йилда Фарғона вилояти Учкўприк туманида туғилган.
5. Бадалов Жамшидбек Ҳусанбой ўғли, 1991 йилда Фарғона вилояти Риштон туманида туғилган.
Ушбу фуқароларнинг яқинлари уларнинг ҳолати тўғрисида Россия ФВВнинг +7 937-639-01-43 рақами орақли маълумот олишлари мумкин. Мазкур ҳолат Ўзбекистоннинг Россиядаги элчихонаси назорати остига олинган.
Изоҳ (0)