Ўзбекистон Президенти Шавкат Мирзиёев Тошкент вилоятига ташрифи чоғида Ўрта Чирчиқ туманидаги «Ўзбегим отлари» от заводи фаолияти билан танишди. Бу ҳақда ЎзА хабар берди.
«Ўзбегим отлари» от заводи 1992 йил ташкил этилган бўлиб, майдони 140 гектардан ортиқ. Завод қадимий от зотлари, жумладан, Ахалтеки тулпорларини кўпайтириш ва парваришлашга ихтисослаштирилган.
Бугунги кунда «Ўзбегим отлари» заводида 300 га яқин от парваришланмоқда. Улар орасида Ахалтеки зотидан ташқари, инглиз ва араб зотли отлар ҳам бор.
«Ўзбегим отлари» заводида Президент Шавкат Мирзиёевга Туркманистон Президенти Гурбангули Бердимуҳамедов томонидан совға қилинган «Дўстхон» лақабли зотдор от йиғилганлар эътиборига ҳавола этилди.
От заводи ҳудудида зотдор отларни кўпайтириш, соҳада наслчилик ишларини яхшилашга қаратилган истиқболли лойиҳалар тақдимоти ҳам ўтказилди.
Изоҳ (0)