Бухоро вилояти ИИБ ходимлари томонидан ўтказилган «Қиридув ва Тозалаш» тадбирлари давомида, 2014 йилнинг декабрь ойи бошларида, жами 10 нафар фуқароларнинг ишончига кириб уларга ўзини МХХ ходими сифатида таништириб фирибгарлик қилган шахс қўлга олинди, деб хабар берди вилоят ИИБ матбуот хизмати.
У ўзининг автосалонларда танишлари борлигини ва автомобиль олиб беришни ваъда қилган ҳолда, Қоракўл туманида яшовчи фуқаролар Ф.Эргашовдан 53 миллион сўм, Р.Элмуродовадан 12250 доллар, М.Эргашевдан 11900 доллар, М.Ботировдан 10600 доллар, Ш.Маматовдан 10700 доллар, Т.Ҳамдамовдан 52 миллион сўм, Р.Холлиевдан 32 миллион сўм, М. Рўзимуродовдан 36 миллион сўм, Ш.Эргашевдан 30 миллион сўм, шунингдек, Бухоро туманида яшовчи Б.Бозоровдан салкам 16 миллион сўм пулларни фирибгарлик йўли билан қўлга киритганлиги учун жиноий жавобгарликка тортилган.
Фирибгар тергов идораларидан яшириниб юрганлиги сабабли Ўзбекистон Республикаси Жиноят Кодексининг 168-моддаси 3-қисми билан 2015 йилнинг 12 апрель куни унга нисбатан қидирув эълон қилинган,
Қоракўл туманида истиқомат қилган, 1988 йилда туғилган Эркин Сафаров ички ишлар идоралари ходимлари томонидан Тошкент шаҳрида яшириниб юрганлиги аниқланиб, қўлга олинган. Унга нисбатан қамоқ эҳтиёт чораси қўлланилган.
Изоҳ (0)