Бухоро вилояти Когон туман ИИБга «Жемчушина Оазис» МЧЖ қоровули Ҳ.Саноқулов ариза билан мурожаат қилган. Аризага кўра икки нафар шахс у навбатчиликда бўлган тунда келиб, ўзларини МХХ ходимлари дея таништириб, МЧЖ ҳудудида кузатув камералари ўрнатилмаганлиги учун 10 миллион сўм миқдорида жаримага тортмаслик эвазига унинг 750 минг сўм нақд пулларини фирибгарлик йўли билан қўлга киритганликларини билдирган. Бу ҳақда Бухоро вилояти ИИБ матбуот хизмати хабар берди.
Ички ишлар идоралари ходимлари томонидан олиб борилган тезкор тадбирлар давомида, ўзларини МХХ ходими деб таништирган ушбу фирибгарлик жиноятини амалга оширган шахслар қўлга олинди. Улардан бири «Бухоро суғурта» МЖЧда суғурта воситачиси лавозимида ишловчи 1982 йилда туғилган, муқаддам судланган А.Қурбонов ҳамда 1983 йилда туғилган, муқаддам судланган З.Шариповлар содир қилганликлари аниқланди.
Мазкур ҳолат юзасидан А.Қурбонов ва З.Шариповларга нисбатан Ўзбекистон Республикаси Жиноят Кодексининг 168-моддаси 2-қисми билан жиноят иши қўзғатилган.
Изоҳ (0)