Россиянинг Омск шаҳрида 35 ёшли сархуш ҳайдовчини маст эвакуаторчи олиб кетишга уринди, деб ёзади «Газета.ru».
Омск йўлларидаги маст ҳайдовчиларни аниқлашга қаратилган «Ҳушёрлик» операцияси доирасида Йўл ҳаракати хавфсизлиги давлат инспекцияси автоинспекторлари 17 июль куни эрталаб автомобилни ширакайф ҳолатда бошқараётган 35 ёшли маҳаллий фуқарони тўхтатди. Эркакни транспорт воситасини бошқаришдан четлатишди, воқеа жойига эса эвакуатор чақиришди.
Аммо етиб келган махсус автомобиль ҳайдовчиси ҳам маст бўлиб чиқди, буни тиббий кўрик натижалари тасдиқлади. Охир-оқибат ЙҲХДИ ходимлари иккала ҳайдовчига нисбатан ҳам маъмурий қоидабузарликлар ҳақида баённомалар тузди.
Эвакуатор воқеа жойидан қай тарзда эвакуация қилингани хабар берилмаяпти.
Изоҳ (0)