Канадалик губернатор Елизавета II га қўл теккизиб, халқаро протоколни бузди (видео)

Канада генерал-губернатори Дэвид Жонстон ва Елизавета II нинг Лондондаги учрашуви чоғида шов-шувли воқеа юз берди, деб ёзади «Вести.ru». Хорижлик сиёсатчи ва қиролича зинадан тушаётган вақтда Жонстон ўз ҳамроҳи йиқилиб тушмаслиги учун унинг тирсагидан тутди. Қироличага қўл теккизиш тақиқланган.

Эълон қилинган кадрларда Жонстон ғамхўрлик билан Елизавета II га зинадан тушишда ёрдам бераётгани акс этган. Қиролича бунга нормал тарзда муносабат кўрсатган. У канадаликнинг қўлини силтаб ташлашга журъат этмаган.

Жонстоннинг сўзларига кўра, у халқаро протоколни бузаётганини жуда яхши билган.

«Мен шунчаки Елизавета II қоқилиб кетишидан қўрқдим. Менимча, унинг саломатлиги ҳар қандай расмиятчиликдан қимматлироқ», — деди канадалик.

Ушбу ҳодиса натижасида генерал-губернаторга нисбатан ҳеч қандай санкциялар қўлланилмади. Қироллик оиласи сайтида воқеа ҳақида ҳеч қандай хабар чиқмади.

Шу билан бирга, журналистлар таъкидлашича, қироличага айнан қай тарзда қўл теккизиш мумкинлиги ҳақида ҳеч қандай расмий қоидалар йўқ. Аммо, Елизавета II нинг қариндоши бўлмаган суҳбатдошларга унинг қўлини қисиш рухсат этилган деб ҳисобланилади, холос.

Канада генерал-губернатори Елизавета II га ҳурмат белгиси сифатида унга қимматбаҳо тақинчоқ совға қилди.