Марғилон шаҳрида Damas автомобили кўприкдан катта тезликда тушаётиб, «КамАЗ» юк машинасига урилиб кетди. Бу ҳақда Facebook’даги «Водители Ташкента» (Drivers.uz) гуруҳи аъзоси маълум қилди.
Ҳодиса оқибатида уч киши ҳалок бўлган. Муаллиф ёзишича, ҳайдовчи 23 ёшли йигит бўлган.
Постга илова қилинган суратда Damas’нинг юк машинасига келиб урилган томони бутунлай пачоқ бўлгани, автомобилнинг фақат қолган ярми бутун турганини кўриш мумкин. «КамАз»га эса деярли ҳеч қандай зарар етмаган, бир томондаги олд чироқлари атрофи бироз шикастланган, холос.
Постга изоҳ ёзганларнинг кўпчилиги ҳодисада Damas автомобилини айблаб, ушбу машиналар кўплаб одамларнинг ҳаётига зомин бўлганини таъкидлаган. Damas’ларни истеъмолдан чиқариб ташлашни, ҳеч бўлмаганда, уларда йўловчи ташишни тақиқлашни таклиф қилишган.
Изоҳ (0)