Лондонда Ўзбекистон ҳаёти ҳақидаги «Қуёшнинг 365 куни» китоби тақдим этилди

Ўзбекистоннинг Буюк Британиядаги элчихонаси анъанавий Ёзги қабул маросимини ўтказди, унинг мавзуси «Ўзбекистоннинг етти мўъжизаси» бўлди.

Тадбирда 200 га яқин фахрли меҳмонлар — парламентарийлар, британиялик дипломатлар, вазирлик, идора ва сайёҳлик ташкилотлари вакиллари, маданият ва санъат арбоблари, етакчи ОАВ ва нашриётлар вакиллари қатнашди.

Пазандалик шоуси доирасида таниқли ўзбек ошпази Баҳриддин Чустий етти хил таом тайёрлади. Меҳмонлар ош, дўлма, манти, кабоб, бедана кабоб, тухум дўлма ва булғори дўлма, сомса ва бошқа таомларни татиб кўришга муваффақ бўлди.

Тадбирнинг асосий воқеаси Welcome to Uzbekistan сериясидаги «Қуёшнинг 365 куни» китоби тақдимоти бўлди. Dinara&Co нашриёт уйи томонидан «Ўзбекнефтгаз» АЖ кўмагида чоп этилган китоб ўзбек миллий таомларига янгича нигоҳ ташлаб, мамлакатдаги рецептлар, ҳаёт тарзи, меҳмондўстлик анъаналари ва манзаралари жойлар ҳақида ҳикоя қилади.

Ярим йил давомида ижодий гуруҳ, шу жумладан, рецептлар ва ҳикоялар муаллифи Баҳриддин Чустий ва машҳур суратчи Андрей Аракельян мамлакатнинг барча ҳудудларида бўлиб, ноодатий таомлар, жойлар ва қизиқарли одамларни қидирди.