Тошкент шаҳридаги Инҳа университети (IUT)нинг уч нафар битирувчиси Жанубий Кореядаги Инҳа университети магистратурасида таълим олиш имкониятини қўлга киритади. Бу ҳақда IUT матбуот хизмати хабар бермоқда.
IUT ректори Сарвар Бобохўжаев Жанубий Кореядаги Инҳа университети раҳбарияти билан музокаралари давомида IUT битирувчилари университетда таълим олиши учун имконият яратиш тўғрисида келишиб олди.
Келишувга мувофиқ, 2019—2020-академик йилдан бошлаб IUT’ни бакалавриат дастури бўйича тамомлаган 3 нафар талаба Жанубий Кореядаги Инҳа университети магистратурасида таълим олиш имкониятини қўлга киритади.
Жанубий Кореядаги магистратурада таълим олиш учун талабаларга Тошкент шаҳридаги Инҳа университети маъмурияти тавсиянома беради. Талабалар магистрлик даражасини олиб қайтгач, IUT’га ишга қабул қилинади.
Маълумот учун, ҳозирда «Компьютер ва дастурий инжиниринг» факультетининг 4-босқичидаги 99 нафар талаба Жанубий Кореядаги Инҳа университетида таҳсил олмоқда. Улар университетда икки семестр давомида – 2017 йилнинг декабрь ойига қадар бўлади.
Изоҳ (0)