Қорақалпоғистонда пенсионерлар ҳар ойлик пенсия маблағларини маҳаллий ҳокимлар, «Халқ банки» ва пенсия жамғармаси томонидан тасдиқланган жадвалга мувофиқ посёлка, қишлоқ, овул ва маҳаллалардаги фуқаролар йиғинларида жойлашган кассалардан олади. Бу ҳақда «Халқ банки» Қорақалпоғистон Республикаси филиали бошлиғининг ўринбосари А.Садиқов маълум қилди, дея хабар беради «KRuz.uz».
«Халқ банки» филиалларидан махсус кассаларга нақд пулларни ўз вақтида ва узлуксиз етказиб бериш учун 32 та Damas русумли автомашиналар билан таъминланди.
Қорақалпоғистонда 407 фуқаролар йиғини мавжуд бўлиб, мазкур ҳудудларда 247 нафар банк ходими фақат пенсия пулларини тарқатиш билан шуғулланади.
Республикадаги 168 минг 182 нафар (апрель ойи ҳолатига) пенсионер учун бир ойда талаб қилинадиган маблағ 78 миллиард 759 миллион сўмни ташкил этади.
Изоҳ (0)