Олти араб мамлакати ФИФАга мактуб йўллаб, 2022 йилги Жаҳон чемпионатини Қатардан олиб қўйишни сўради. Бу ҳақда «Championat.asia» The Local нашрига асосланиб маълумот берди.
Мактуб ёзилишида Саудия Арабистони, Яман, Мавритания, БАА, Баҳрайн ва Миср якдиллик кўрсатган. Улар Қатар мундиални муносиб равишда ўтказа олмаслигига ишонч билдирган. Иддао қилинишича, қатарликлар ЖЧни томоша қилиш учун ташриф буюрадиган мухлислар хавфсизлигини етарли даражада қўриқлай олмайди. Чунки «Қатар террорчилар базаси», деб ёзилади мактубда.
Агар ФИФА бу сўровни қаноатлантирмаса, хат ёзган олти мамлакат ЖЧ—2022 учун бойкот эълон қилади.
Изоҳ (0)