АҚШ Демократик партияси аъзолари Конгресс вакиллар палатасига Россияга қарши янги санкциялар бўйича қонун лойиҳасини тақдим этди. Бу ҳақда «Газета.ru» хабар бермоқда.
Мазкур лойиҳа Сенат 15 июнда овоз берган ҳужжат билан ўхшаш эканлиги билдирилмоқда.
Қайд этиш жоизки, олдинроқ Оқ уй расмий вакили ўринбосари Сара Сандерс Россия ва Эронга қарши санкциялар ҳақидаги қонун лойиҳасининг янги варианти Вашингтон ташқи сиёсатини амалга оширишда хавф туғдириши мумкин эканлигини таъкидлаганди.
Қонун лойиҳаси президент Барак Обама фармонлари асосида Россияга қарши жорий этилган санкцияларнинг қонунчилик даражасида мустаҳкамланишини кўзда тутади.
АҚШ сиёсий институтларига киберҳужумлар уюштирганликда гумонланаётган шахсларга нисбатан санкциялар ҳам шу рўйхатга киради.
Изоҳ (0)