Туркия полицияси Кўния шаҳрида ўтказилган операция вақтида ИШИД ташкилотининг беш нафар жангарисини йўқ қилди, тўрт нафар полициячи жароҳат олди. Бу ҳақда Кўния вилояти маъмуриятининг баёнотида маълум қилинди, деб хабар берди «Васти Кавказа».
Аниқлик киритилишича, фавқулодда ҳолат Мерам ҳудудида, ИШИДга алоқадорликда гумонланаётган шахсни қўлга олиш операцияси вақтида содир бўлган. Унинг уйидаги жангарилар полициячиларга қарата ўт очган. Отишма оқибатида беш нафар жангари йўқ қилинди, тўрт нафар полициячи енгил жароҳат олди.
«Уйдан бешта Калашников автомати, пистолет ва кўп миқдорда ўқ захиралари топилди», — дея маҳаллий ҳукумат баёнотидан парча келтиради «РИА Новости».
Изоҳ (0)