Америкалик инвестор Уоррен Баффетт 5 та хайрия ташкилоти, жумладан, Билл ва Мелинда Гейтснинг фондига Berkshire Hathaway компанияси акциялари кўринишида 3,17 миллиард доллар ҳадя қилди. Бу ҳақда «РБК» хабар бермоқда.
Хайрия ташкилотлари фаолиятларини молиялаштириш учун одатда ўзларига тақдим этилган акцияларни сотиб юборади. Бу йил Баффет компаниясининг Б тоифасидаги 18,63 миллион дона акциясини хайрия қилди. Уларнинг ҳар бири 10 июль кунги савдоларда 170,25 доллар баҳоланган эди.
Инвестор 2006 йилдан бери 27,54 миллиард доллар хайрия қилди, улардан 21,9 миллиарди соғлиқни сақлаш ва қашшоқликка қарши кураш бўйича лойиҳалар билан шуғулланувчи Гейтслар фондига ўтказиб берилди.
Бундай йирик миқдордаги хайрия суммаларига қарамай, Forbes манбаларига кўра, 86 ёшли Баффетт миллиардерлар рейтингида 4-ўринни сақлаб қолди.
Изоҳ (0)