Ўзи билан соябон, ҳасса ва йирик тишли оёқ кийим олиш
Мачо-Пикчудаги ЮНЕСКО ёдгорлигини кўриш учун боришда ўзи билан соябон олиш ёки ҳасса ҳамда йирик тишли оёқ кийим ва катта сафар халтада бориш тақиқланган.
Тақиқ сайёҳлар эсдалик учун ўзи билан бирор нарса олиб кетмаслиги учун ўрнатилган.Ижтимоий тармоқлар учун суратга олиш
Швейцариянинг Бургун коммунасида жорий йилнинг май ойидан бошлаб Facebook ёки Instagram учун суратга олиш тақиқланган.
Қоидага бўйсунмаганлар учун жарима беш еврони ташкил қилади. Тақиқнинг расмий сабаби, қанчалик кулгули бўлмасин, одамлар ҳақида ғамхўрлик ҳисобланади.
«Таътил вақтида олинган ва ижтимоий тармоқларга жойлаштирилган чиройли суратлар уларни томоша қилаётганларни бахтсиз қилиши илмий жиҳатдан исботланган, чунки уларнинг ўзи бу жойларда бўлмаган», — дейилади сайёҳлик бюросининг хабарида.Деворга чиқиш
Мьянма расмийлари қадимий Паган шаҳрида ибодатхоналар устига чиқишни тақиқлади.
Қуёш ботишини томоша қилиш Мьянмага келишнинг асосий сабабларидан бири ҳисобланади. Расмийлар Паганни ЮНЕСКО рўйхатига киритиш учун сайёҳларга ибодатхоналар устига чиқишни тақиқлади.Сохта эсдаликлар сотиб олиш, кабутарларни овқатлантириш ва қумдан қалъалар қуриш
Венеция яқинидаги пляжларда қумдан қалъалар қуриш, чиғаноқларни эсдалик сифатида олиб кетиш тақиқланган. Бундай ишлар учун жарима 25 евродан 250 еврогачани ташкил қилади.
Сан-Марко майдонида кабутарларни овқатлантирган сайёҳлар эса 500 евро жарима тўлаши керак бўлади.
Шунингдек, сохта маҳсулотларни сотиб олиш учун жарима 7 евродан минг еврогача бўлиши мумкин.Уч кишининг овқатини ейиш
Туркияда кўзи очлар ўз очкўзлиги учун жарима тўлашига тўғри келади.
Кемер меҳмонхоналаридан бири қоидалар рўйхатини эълон қилди. Қоидаларга кўра, агар дам олувчининг тақсимчасида яримдан кўпроқ ейилмаган овқат қолса, у 10 доллар миқдорида жарима тўлашга мажбур бўлади.Транспортда овқатланиш
Сингапурдаги жамоат транспортида ейиш ҳам, ичиш ҳам қатъий тақиқланган. Шунингдек, ёш болаларни ҳам овқатлантириш мумкин эмас. Ҳатто жазирамада чанқаганлар бир қултум сув ичиши ҳам мумкин эмас.
Тақиқ бекорга киритилмаган: ичимликлар ўриндиқларга, бошқа йўловчиларнинг устига ёки полга тўкилиши мумкин. Натижада кимдир сирпаниб, йиқилиши мумкин.
Шу тариқа расмийлар ҳаракат вақтида қулай шароитларни яратишга уринмоқда.Маҳаллий валютада тўлов қилиш, якка сайр қилиш ва суратга олиш
Сайёҳлар учун тақиқлар бўйича рекордчи Шимолий Корея ҳисобланади. Мамлакатда сайёҳлар фақат хорижий валютада тўлов қилиши мумкин. овқатланиш, турар жой ва бошқа шу каби харажатлар одатда саёҳат харажатларига киритилади. Маҳаллий валюта талаб қилинадиган сувенирлар сотиб олишдан эса сайёҳлар ўзини тийишига тўғри келади.
Якка сайр қилаётган сайёҳга дарҳол полициянинг эътибори тушади. Яхшироқ ҳолат — полиция сайёҳни машинада меҳмонхонага олиб бориб қўяди, ёмони — сайёҳ қамоққа олинади.
Мудофаага боғлиқ объектларни, аэропортларни, ҳарбийларни ва ҳатто кўприкларни узоқдан бўлса ҳам суратга олиш қатъиян тақиқланган.
Изоҳ (0)