Полиция Манчестердаги теракт иши бўйича 19 ёшли йигитни қўлга олди

Британия ҳуқуқ-тартибот ходимлари 7 июль, жума куни 19 ёшли йигитни 23 май кечаси Манчестерда содир бўлган теракт иши юзасидан қўлга олди. Бу ҳақда Катта Манчестер графлиги полицияси Twitter’да маълум қилди, деб хабар берди «ТАСС».

«7 июль, жума куни 19 ёшли йигит Ливерпулда жойлашган Жон Леннон номидаги аэропортда қўлга олинди», — дейилади хабарда. Шунингдек, полициянинг маълум қилишича, Манчестер билан қўшни жойлашган улкан шаҳардаги ҳаво кемасида ҳибсга олинаган йигит, Британия антитеррор қонунчилигини бузишда ва «Manchester Arena’га уюштирилган ҳужумнинг тергови»га боғлиқликда гумонланмоқда.

Қўлга олинган шахс ҳозирча ҳибсда. Манчестернинг Фаллоуфилд ҳудудида жойлашган Телуолл-авеню кўчасидаги уйлардан бирида тинтув ишлари олиб борилмоқда. Бироқ полиция тинтув ўтказилаётган уй қўлган олинган гумонланувчига боғлиқ ёки йўқлиги борасида ҳеч нарса демади.

Полициянинг маълум қилишича, Манчестердаги теракт юзасидан қўлган олинганлар сони 23 нафарга етган. Бироқ бундан олдинги 22 нафар гумонланувчи ҳеч қандай айбловларсиз қўйиб юборилган эди.

Эслатиб ўтамиз, 22 май оқшомида Манчестер шаҳрида Ариана Гранденинг Manchester Arena ёпиқ стадионида ташкил этилган концерти вақтида портлаш юз бериши оқибатида 22 киши ҳалок бўлганди.