Россия президенти Владимир Путин ёпиқ қарор билан Мудофаа вазирлигининг 12-бош бошқармаси раҳбари генерал-лейтенант Юрий Сични эгаллаб турган вазифасидан озод этди ва ҳарбий хизматдан бўшатиб юборди. Бу ҳақда «Коммерсантъ»га таяниб, Meduza хабар берди.
Сич раҳбарлик қилган Мудофаа вазирлигининг бошқармаси Россиянинг барча турдаги ядровий қурол-яроғларини сақлаш, хизмат кўрсатиш ҳамда жанговар қўллашга тайёрлашга масъул бўлган.
Нашрнинг Мудофаа вазирлигидаги манбасига кўра, Сич истеъфога чиқиш аризасида «соғлиғимдаги муаммо туфайли» дея кўрсатган. Генералнинг истеъфоси борасидаги ёпиқ қарор 5 июль куни имзоланган.
Генерал-лейтенант ўз интервьюсида соғлиғи сабаб вазифасидан кетаётганини, шу билан бирга «яна бир неча ой» ишлаш ниятида эканлигини тасдиқлаган. Унинг ўрнига ким келиши мумкинлиги борасидаги саволга жавоб беришни истамади.
Изоҳ (0)