Адлия, Бандлик вам меҳнат муносабатлари ҳамда Молия вазирлиги «Давлат нотариал идоралари ва нотариал архивлар фаолиятини молиялаштириш тартиби тўғрисидаги Низомга ўзгариш ва қўшимчалар киритиш тўғрисида» қарор қабул қилди. Бу ҳақда Norma хабар бермоқда.
Киритилган ўзгаришларга кўра, нотариал идоралар томонидан амалга оширилган қўшимча ҳуқуқий ва техник кўринишдаги ҳаракатлардан келиб тушган маблағ ходимлар лавозим маошларига ойлик устамалар белгилаш, мукофотлаш, совғалар бериш, моддий ёрдам кўрсатиш, шунингдек, коммунал, ижара, алоқа, техника таъмири, канселярия буюмлари харид қилиш ва бошқа жорий харажатларни қоплашга йўналтирилади.
Лавозим маошларига ойлик устамалар учун қўшимча ҳуқуқий ва техник кўринишдаги ҳаракатлардан келиб тушган маблағнинг 40 фоизи ажратилади.
Ажратилган маблағнинг нотариус ва унга бириктирилган ходимлар ўртасидаги тақсимоти нотариус таклифига кўра, иш ҳақига нисбатан максимал миқдорни ўрнатмаган ҳолда амалга оширилади. Нотариал архив ходимлари лавозим маошларига ойлик устамалар эса унинг 75 фоизи миқдорида белгиланди.
Шунингдек, коррупциявий ҳуқуқбузарлик ҳолатлари ҳақидаги хабарлар учун ходимлар (жумладан, собиқ ходимлар ҳам) лавозим маошининг бир баробаригача бўлган миқдорда мукофотланиши ва қимматбаҳо совғалар билан тақдирланиши кўзда тутилмоқда.
Изоҳ (0)