Замонавий қурбақаларнинг 88 фоиз турлари Ердаги ҳаётни деярли бутунлай йўқ қилиб юборган астероид қулашидан сўнг пайдо бўлган. Бу ҳақда Proceedings of the National Academy of Sciences журналида чоп этилган мақолага таянган «Газета.ru» ёзмоқда.
Бугун қурбақаларнинг 6700 тури маълум, аммо генетик маълумотлар етишмовчилиги шу пайтгача уларнинг эволюцион тарихини ўрганиш имконини бермаётган эди. Энди олимлар 145 турнинг 95 ген тўпламини ўрганиб чиқиб, уларнинг генетик хилма-хиллиги 66 миллион йил муқаддам кескин ошиб кетганини аниқлади.
Ўшанда астериод қулаб, Ердаги ҳаётнинг 3/4 қисмини йўқ қилган эди. Жумладан, ўшанда динозаврлар ҳам йўқ бўлиб кетган эди.
Ўрганилган қурбақаларнинг бари уч турнинг — Hyloidea, Microhylidae ва Natatanura’нинг авлодлари бўлиб чиқди. Айнан шу турлар оммавий қирилишдан омон қолган эди.
Аниқланишича, кўпайиб борган қурбақалар бўшаган экологик токчаларни, жумладан, ўрмонларни шиддат билан эгаллаб борган.
Изоҳ (0)