Интернетда Москва вилоятининг Одинцово туманидаги Трехгорка қишлоғида яшовчи эркак сув босган кўчаларда пуфлама қайиқда қармоқ билан сузиб юргани акс этган видео жойлаштирилди. Бу ҳақда «РИА Новости» хабар бермоқда.
Видеолавҳада эркак «транспорт»ни тайёрлаётгани, шундан сўнг қармоқ билан қайиққа ўтириб, эшкаклар ёрдамида сузиб кетганини кўриш мумкин.
Унинг ёнидан ўтиб кетаётган автомобиль эркакни бошдан-оёқ шалаббо қилди. Бироқ бу «балиқчи»нинг шаштини қайтармади — у ҳеч нарса бўлмагандек йўлнинг ўртасида ўлжасини пойлашда давом этди.
Маълумот учун, Москва вилоятида 30 июнь, жума куни тушки пайт кучли жала бошланди ва айрим ҳудудларни сув босди.
Юз берган кучли ёғингарчилик келтириб чиқарган тошқин оқибатида икки киши ҳалок бўлган ва тўққиз киши жабрланган.
Изоҳ (0)