Лабрадор зотли кучук Вена камер оркестрининг Эфес шаҳридаги (Туркия) намойишига ташриф буюрди ва биринчи скрипкачининг ёнида ётиб олиб, концертга ташриф буюрган барча томошабинларнинг меҳрини қозонди. Бу ҳақда Classic FM’га таяниб, Daily Afisha хабар берди.
Феликс Мендельсоннинг «Италянча» №4 симфонияси чалинаётган вақтда, очиқ осмон остидаги саҳнага кучук кириб келди ва скрипкачининг ёнига бориб хотиржам ётиб олиб, ширингина эснаб қўйди. Томошабинлар кутилмаган меҳмонни гулдурос қарсаклар билан кутиб олди.
Вена камер оркестрининг концерти Измирдаги 31-Халқаро мусиқа фестиваль доирасида Efeс антик театрида бўлиб ўтаётганди. Концертнинг биринчи қисмида оркестр билан биргаликда машҳур туркиялик пианиночи Фозил Сай ҳам чиқиш қилган, бироқ кучук ташриф буюрганида у саҳнани тарк этган эди.
Изоҳ (0)