Австралиянинг Мельбурн шаҳри жамоат жойлари ва вокзали яқинида 28 июнь куни пиёдаларни транспортдаги террорчилардан ҳимоя қилишга қаратилган тўртбурчак бетон тўсиқлар ўрнатилди. Бу ҳақда TJournal хабар бермоқда. 

Эртасига маҳаллий рассом Дэвид Грэй бир неча кубларни турли рангдаги матолар билан ўраб қўйди. У бошқа рассомларни ҳам ундан ўрнак олишга чақирди. 

«Мельбурнни мисли кўрилмаган санъат саҳнасига айлантириш мумкин. Вақтинча безатиш лозим бўлган камида 5 та жой бор», — таъкидлади Грэй. 

Шаҳар расмийлари шу йил бошида автомобиль марказдаги кўчалардан бирида оломонга келиб урилганидан сўнг шундай тўсиқлар ўрнатишга қарор қилганди. Ўтган йил охирида Европанинг йирик шаҳарларида террорчилик ҳужумларидан ҳимоя учун шундай тўсиқлар пайдо бўлганди.

Бироқ тадқиқотчилар томонидан ўтказилган краш-синовлар ҳатто энг мустаҳкам тўсиқлар ҳам ҳаракатланаётган автомобилни тўхтатиб қололмаслигини кўрсатди.