Fort Wayne TinCaps бейсбол ўйини вақтида стадионда ҳакамларга сув олиб келган ретвивер зотли тилларанг ит одамлар диққатини тортди. Зак Грот суратга олган видеода ит тишлари ёрдамида сув солинган саватни кўтариб, ҳакамлар ўриндиғига олиб келаётгани тасвирланган, деб хабар берди Forum Daily.

Итнинг лақаби Жейк ва у бир неча йиллардан бери Индианадаги бейбсболнинг қуйи лига ўйинларида сув ташувчи бўлиб «ишлайди». Унинг шахсий сайти ҳам мавжуд бўлиб, унда «профессионал бейсболнинг энг фойдали ўйинчиси» дея ёзилган. Шунингдек, у бейсбол коптокларини ҳам олиб келиб туради ва ўйинчиларга руҳий мадад берди.