«Ёшларни иш билан таъминлаш масаласи биз учун ҳамон энг долзарб вазифа бўлиб қолмоқда». — дея «Камолот» ЁИҲнинг IV қурултойи иштирокчилари эътиборини ёшларни иш билан таъминлаш муаммоларига қаратди Ўзбекистон Президенти Шавкат Мирзиёев.
Мавзуга доир: Раҳбарлар фаолиятига пахта ёки ғаллага қараб эмас, ёшларга бўлган муносабатга қараб баҳо берилади
Юртимизда ишсизларнинг аксарият кўпчилик қисмини коллеж битирувчилари ташкил этмоқда. Масалан, 2016 йили 477 минг 743 нафар ёш йигит-қиз коллежларни битириб чиққан ва уларнинг 438 минг 503 нафари ёки 91,8 фоизи иш билан таъминлангани тўғрисида маълумот берилган.Давлат раҳбари ёшларни иш билан таъминлаш учун улар ўртасида тадбиркорликни кенг ривожлантириш, бу борада янги имкониятлар яратиш мақсадида бир қатор чора-тадбирларни кўзда тутилаётганини таъкидлаб ўтди.Савол туғилади: бу рақамлар қанчалик тўғри? Агар барча коллеж битирувчилари ишга жойлашаётган бўлса, ишсиз ёшлар қаердан пайдо бўляпти?
Коллеж битирувчилари билан тўрт томонлама шартномаларни номигагина имзолаб, ўзимизни ўзимиз алдамаяпмизми?
Шавкат Мирзиёев, Ўзбекистон Президенти