«Камолот» ЁИҲнинг IV қурултойида иштирок этган Ўзбекистон Президенти Шавкат Мирзиёев ташкилот фаолиятида йўл қўйилаётган камчиликлар ва кўзбўямачиликларни жиддий танқид қилди.
Давлат раҳбари ташкилотнинг жойлардаги бўлимлари фаолиятида мавжуд бўлган бинолар етишмаслиги ва моддий-техник базанинг ночорлиги каби муаммоларга алоҳида эътибор қаратди.
Президент томонидан қайд этилишича, Фарғона вилоятида Ёшлар маркази биносининг биринчи қаватида ёшлар учун мўлжалланган тўгарак ва клублар фаолияти тўхтатилиб, мазкур бино ҳокимлик томонидан бошқа ташкилотга бериб юборилган.«Камолот»нинг Тошкент вилояти, Пискент тумани кенгаши туман ҳокимлиги биносида фаолият юритиб келган. Аммо ҳокимнинг топшириғига кўра, «Камолот»га тегишли хоналар «Маҳалла» фондининг туман бўлимига олиб берилган. «Камолот»га эса учинчи қаватдаги мажлислар залидан шунчаки номига жой ажратилган.
Ана шундай чидаб бўлмайдиган яна бир мисолни келтирмоқчиман. «Камолот» ҳаракатининг Ўрта Чирчиқ тумани кенгаши «Elegant» деб аталадиган келин-куёвлар либоси салонида жойлашган. Буни қандай баҳолаш мумкин?Шу борада Андижон вилоятидан ҳам нохуш бир мисол келтиришга тўғри келади. Ўтган йили Ватанимиз мустақиллигининг 25 йиллиги муносабати билан вилоят «Камолот» ҳаракати кенгашига Андижон шаҳар ободонлаштириш бошқармаси томонидан тантанали равишда янги автобус топширилган.
Лекин маросим тугаши билан автобус олиб қўйилиб, унинг ўрнига шалағи чиққан эски транспорт воситаси берилган. Айтинглар, бундай «ўйин»лар, кўзбўямачилик билан биз ёшларга қандай тарбия беряпмиз?
Андижон вилоятининг ҳокими Ш.Абдураҳмонов, сиз бунга нима дейсиз?
Шавкат Мирзиёев, Ўзбекистон Президенти
Изоҳ (0)