Қирғизистон президенти Алмазбек Атамбаев мамлакат «Қамбар-Ота-1» гидроэлектрстанциясини қуриш учун инвестор изламоқда. Бу ҳақда «РБК» хабар бермоқда.
Атамбаевнинг таъкидлашича, мазкур ГЭС — «бутун Марказий Осиё сув ресурслари учун калитчадир».
«Бу ерда мен қурилишни дарёларнинг қуйи оқимида жойлашган мамлакатлар — Қозоғистон ва Ўзбекистон билан биргаликда амалга оширишни истардим», — деди Атамбаев.
Қирғизистон президентининг қўшимча қилишича, ҳам Қозоғистон, ҳам Ўзбекистон давлат раҳбарлари ушбу лойиҳа бўйича дастлабки розиликни билдирган.
Изоҳ (0)