Тошкент шаҳрининг Чилонзор туманида номаълум шахслар асли қашқадарёлик бўлган, ҳозирда вақтинча Чилонзор туманида яшовчи, 1982 йилда туғилган фуқаронинг уйига эшик қулфини калит танлаш йўли орқали очиб кириб, у ердан умумий қиймати 17 миллион сўмлик 7 турдаги сариқ металлдан ясалган заргарлик буюмларини ўғрилаб кетган, деб хабар берди ИИВ матбуот хизмати.
Шунингдек, улар ушбу хонадонда меҳмонда бўлган Навоий вилояти Қизилтепа туманида яшовчи, хусусий тадбиркор, 1988 йилда туғилган фуқарога тегишли ичида 2 миллион сўм пули ва 11 минг АҚШ доллари бўлган сумкани ҳам ўғрилаган.
Ички ишлар органларининг тезкор кўрган чоралари натижасида ушбу жиноятни Тошкент шаҳрида яшовчи 1973 ва 1974 йилда туғилган икки нафар аёл содир этганлиги аниқланиб қўлга олинган.
Уларга нисбатан Ўзбекистон Республикаси Жиноят Кодексининг 169-моддаси 2-қисми билан жиноят иши қўзғатилган. Тергов ҳаракатлари давом этмоқда.
Изоҳ (0)