«Суғдиёна» газетаси хонанда, актриса, икки фарзанднинг онаси, суюкли ёр ва чаққон келин Мадина Мумтозга ноодатий саволлар билан мурожаат қилди. Бу ҳақда «Darakchi.uz» хабар бермоқда.
— Ҳаётда қиёфадошингиз бўлиши мумкинми?
— Ҳа! «Зуҳрам»ни учратмаганман-у, аммо қайсидир жиҳатлари, эҳтимол ташқи кўриниши, юз тузилиши менга ўхшаш бўлганлар бор. Ўзим кўрганман!
— Опера, жаз, рэп — қай бир йўналишда тажриба қилиб кўришингиз ёхуд дуэт ижроси амалга ошиши мумкин?
— Опера йўналишида тажриба қилиш ниятим йўқ эмас.
– Таваккал қилиб...
— Менимча, оила қураётганимизда, танлаган ёримизни қанчалик яхши билмайлик, танимайлик, қайсидир маънода таваккал қиламиз. Менда ҳам шундай бўлган.
— Кимларга нисбатан «аллергиянгиз» бор?
—Ўзига бино қўйган, атрофидаги одамларни қўл учида кўрсатадиган инсонларга нисбатан «аллергиям» кучли!
— Мадинанинг жаҳли чиққанда...
– Қорни очқаган бўлади. Арзимаган нарсага ҳам аччиғим келиши мумкин, мабодо фикримни охирига етказиб беришимга қўйишмаса, жуда қаттиқ жаҳл қиламан.
— Қилаётган ишингиздан уяласиз, қачонки...
— Ёлғон аралашган бўлса... Эртами, кечми сирим фош бўлишидан чўчиб, қилаётган ишимдан уяламан. Лекин бунақанги вазиятлар сира бўлмаган. Ростгўйликни қадрлайман!
— Бир марта бўлса ҳам муштлашганмисиз?
– Мактаб пайтларим дугоналаримнинг ёнини олиб, тортишиб турар эдим. Лекин муштлашишгача бормаган.
—Пардозсиз кўчага чиқишингиз мумкинми?
— Ҳа ва бу ҳолат жуда кўп такрорланади.
—Турмуш ўртоғингизни кутиб олишда-чи?
— Баъзан пардозсиз бўлишим мумкин, лекин имкон қадар умр йўлдошимнинг ишдан қайтишига ясан-тусан қилволаман!
— Ижодий сафарга кетаётганингизда ўзингиз билан олишингиз шарт бўлган учта буюм?
— Пул, уяли телефоним ва унинг қувватлагичи!
— Мадина Мумтоз ҳаётининг саундтреки?
— Ўзим ижро қилган «Бахтли бўл» қўшиғи!
Изоҳ (0)