Leonardo Di Kaprio unga sovg‘a qilingan “Oskar” haykalchasini Malayziya davlat investitsiya fondidagi o‘g‘riliklarni tekshirayotgan AQSh huquq-tartibot idoralariga taqdim etdi. Bu haqda “RIA Novosti” xabar bermoqda.
AQSh adliya vazirligi 2016-yilda Red Granite Pictures prodyuserlik kompaniyasini fonddan o‘marilgan mablag‘larni “Uoll-strit bo‘risi” filmini moliyalashtirish uchun jalb etishda aybladi.
Di Kaprioga kartinada ishtirok etgani uchun prodyuserlar 1954-yilda afsonaviy aktyor Marlon Brando qo‘lga kiritgan haykalchani sovg‘a qilgandi.
Aktyorning vakillari Di Kaprio xayriya auksioni tashkil etish uchun hadya sifatida olgan boshqa buyumlarni ham tergovchilarga qaytarganini bildirdi.
Izoh (0)