Қатар қарийб 12 миллиард долларга Американинг McDonnel Douglas F-15 Eagle қирувчи самолётларини сотиб олади. Бу ҳақда Reuters араб мамлакати мудофаа вазирлигидаги манбасига таяниб хабар берди, деб ёзади «ТАСС».
Унинг маълумотларига кўра, Пентагон раҳбари Жеймс Мэттис ва Қатар вакиллари 14 июнь, чоршанба куни тегишли шартномани имзолаш учун учрашиши керак бўлган. Ўз навбатида Bloomberg агентлиги қўшимча қилишича, амирлик 36 та самолёт сотиб олади.
Нашр эслатишича, ўтган йилнинг 18 ноябрида Қатарга 21,1 миллиард долларлик 72 та F-15QA қирувчилари ҳамда унга боғлиқ турли ускуна ва қурол-яроғлар сотилгани маълум бўлган эди.
Изоҳ (0)