Вазирлар Маҳкамаси қарори билан Ўзбекистонда 2017—2019 йилларда биогаз қурилмалари ишлаб чиқариш ва жорий этишни рағбатлантириш чоралари тасдиқланди. Бу Norma ҳақда хабар бермоқда.
Ҳужжатда қайд этилганидек, мамлакатда 8 та маҳаллий корхонада биогаз қурилмалари ишлаб чиқариш бошланган. 45 та чорвачилик ва паррандачилик хўжаликларида умумий йиллик қуввати 1,1 миллион куб метр биогаз бўлган қурилмалар ўрнатилган.
Яқин 3 йил мобайнида биогаз қурилмалари 726 йирик чорвачилик ва паррандачилик хўжаликларида жорий этилади.
Бунинг учун Хитойнинг Poly International Holdings компанияси билан биргаликда биогаз қурилмалари ишлаб чиқариш ва сервис хизмати кўрсатиш бўйича қўшма корхона ташкил этилади. Олдинроқ «Ўзбекнефтегаз» МХК ва «Агробанк» мазкур компания билан умумий миқдори 10 миллион доллар бўлган ҳамкорлик тўғрисидаги меморандумни имзолаганди.
Изоҳ (0)