Халқаро пресс-клубнинг 14 июнда бўлиб ўтган йиғилишида иштирок этган «Ўзбекнефтгаз» МХК бошқаруви раиси «Лукойл» компанияси «Ўзбекнефтгаз»нинг ёки бошқа хусусий ёқилғи қуйиш шохобчаларини сотиб олишдан манфаатдор эмаслигини айтиб ўтди.
Эски шохобчаларни сотиб олиш «Лукойл»нинг корпоратив сиёсатига тўғри келмайди. Компания ер сотиб олиб ўзининг янги шохобчаларини қуради. Компания томонидан дастлаб Тошкент шаҳрида, кейинчалик бошқа ҳудудларда ўзининг шохобчалар тармоғини яратиш режалаштирилмоқда.
«Лукойл» шохобчалари очилишининг кечикаётгани баъзи ташкилий масалаларга боғлиқ бўлиб, бу масалалар яқин вақт ичида ҳал қилиниши кутилмоқда.
Изоҳ (0)