Саудия Арабистони ташқи ишлар вазири Одил ал-Жубайр Ар-Риёд Қатарни қамал қилганини инкор этди. Бу ҳақда «ТАСС» хабар бермоқда.
«Буни қамал дейиш нотўғри. Биз ҳаво ҳудудимиздан фойдаланишни ман этишдан иборат суверен ҳуқуқимизни қўллаяпмиз, холос. Оилаларга давлатдан-давлатга ўтишга рухсат бердик, уларни ажратаётганимиз йўқ. Зарур бўлса, Қатарга озиқ-овқат ва дори-дармон етказиб беришга ҳам тайёрмиз», — деди дипломат АҚШ Давлат котиби Рекс Тиллерсон билан учрашуви олдидан.
Вазирнинг айтишича, Қатар портлари ва аэропортлари очиқ, улар қамал қилинмаган, жорий этилган тақиқ эса фақат Қатар самолётларига тегишли.
Эслатиб ўтамиз, олдинроқ Саудия Арабистони учинчи давлат авиакомпанияларига Қатарга рейсларни бажариш чоғида мамлакат ҳаво ҳудуди ва аэропортларидан фойдаланишга рухсат бергани маълум қилинганди.
Изоҳ (0)