Россия БМТ Хавфсизлик кенгашида қўйган тақиқ Косово халқаро ташкилотга аъзо бўлиб кириши йўлидаги ягона тўсиқ бўлиб турибди. Бу ҳақда тан олинмаган республика етакчиси Ҳошим Тачи Хорватиянинг Veernji List газетасига берган интервьюсида маълум қилди, дея хабар беради «ТАСС».
«БМТга аъзо давлатларнинг учдан икки қисми Косовони тан олди. Россиянинг Хавфсизлик кенгашидаги ветоси ягона тўсиқ бўлиб турибди. Шунга қарамай, мамлакатимизни ҳам ичкарида, ҳам халқаро майдонда мустаҳкамлашда давом этяпмиз», — деди Тачи.
Тачи Косово Россия билан муносабатлар ўрнатгани ва республикани тан олиш билан Москва Белградга ёрдам берган бўлиши мумкинлигини билдирди.
«Россия ва Сербия ўртасида анъанавий дўстлик алоқалари мавжудлигини тушунамиз ва бу бизга халақит бермайди. Аслида Москва Косовони тан олганида Белград катта хизмат қўрсатган ва Сербияга Косовони қайтариш ҳақидаги чўпчакдан тезроқ қутулишга ёрдам берган бўларди», — дея таъкидлади тан олинмаган республика етакчиси.
Изоҳ (0)