Ироқ ҳукумати қатор араб давлатлари томонидан жорий этилган Қатарга нисбатан қамални ёқламайди. Бу ҳақда мамлакат бош вазири Ҳайдар ал-Ободий маълум қилди, деб хабар беради «ТАСС».
«Ироқ Форс кўрфазининг исталган давлати қамалига қарши. Ҳатто бу давлат тутаётган йўлни маъқулламаса ҳам», — таъкидлади Ҳайдар ал-Ободий.
Ироқ бош вазири 14 июнь, чоршанба куни Ар-Риёдда Саудия Арабистони подшоҳи Салмон бин Абдулазиз билан учрашиши, бироқ бу ташрифнинг «кўрфаздаги тангликка алоқаси йўқлиги»ни билдирди.
Изоҳ (0)