Исроил махсус хизматлари ИШИД портловчи модда тўлдирилган ва самолётларда терактлар уюштириш учун фойдаланиш мумкин бўлган ноутбукларни яратишга киришганини аниқлади. Бу ҳақда «РБК» хабар бермоқда.
The New York Times нашрига кўра, бундай маълумотларни Исроил хакерлари ИШИД компьютер тармоғини бузиб, қўлга киритган бўлиши мумкин.
Террорчилар портатив компьютерлар батареясига ўхшаш ишланган портловчи қурилмани яратди. Уларни аэропортдаги рентген аппаратлари аниқлаши мушкул ва хавфсизлик хизматларида шубҳа уйғотмайди.
Айнан гаджетлардаги портловчи моддалар ҳақидаги маълумотлар АҚШ расмийлари мамлакатга Туркия, Яқин Шарқ ва Шимолий Африкада аэропортларидан йўл оладиган самолётлар бортида ноутбуклар ва бошқа электрон қурилмалар олиб ўтишни ман этишига сабаб бўлди.
Кейинчалик Буюк Британия расмийлари ҳам шундай чекловларга қўл урди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)