АҚШ давлат департаменти 12 июнда нишонланган Россия миллий байрами муносабати билан расман табрик йўлламади, деб ёзади «ТАСС».
Америка ташқи сиёсий идораси аниқлик киритишича, Дональд Трампнинг янги маъмурияти «расмий қутловлар тегишли пойтахтлардаги АҚШ элчихоналари орқали юбориладиган янги ёндашув»ни жорий қилган.
«Биз энди табрикларни пресс-релизлар сифатида тарқатмаймиз, — деди матбуот хизмати ходими. — Аммо биз уларни сайтимизга жойлаймиз. Расман эса улар элчихоналаримиз орқали жўнатилади». «Ўзимиз уларни тарқатмасак-да, қабул қилиб олувчи мамлакат буни қилишига қарши эмасмиз», — дея қўшиб қўйди у.
Матбуот хизматидагилар Россия куни муносабати билан қутлов Москвадаги элчихона орқали юборилган-юборилмаганини дарҳол айта олмади, аммо буни аниқлаштиришга ваъда берди.
Изоҳ (0)