Дунёда ОИТС билан боғлиқ ўлим ҳолатлари 45 фоизга қисқарди. Бу ҳақда БМТ бош котиби Антониу Гутерришнинг янги ҳисоботида маълум қилинди, деб хабар берди «Корреспондент.net».
«Биз 2020 йилга қадар 30 миллион одамни даволаш бўйича олдимизга қўйган мақсадимизга эришишимиз ва ОИТС билан боғлиқ ўлим ҳолатларини йилига 500 мингтага қисқартиришимиз мумкин», — деб қўшимча қилди Гутерриш.
Ҳисоботда маълум қилинишича, 2016 йилда 36,7 миллион одам иммун танқислиги вирусига (ОИТВ) чалингани қайд этилган.
Шунингдек, болалар орасида янги инфекцияларга чалиниш ҳолати ҳам икки баробарга камайгани қўшимча қилинди.
БМТ бош котибининг таъкидлашича, йилига дунё аҳолисининг ҳар бири ҳисобига 0,5 АҚШ доллари қийматида киритилган қўшимча сармоя ОИТСга қарши курашишда ижобий ҳаракатни сақлаб қолишда ёрдам беради.
Янги ҳисоботда айтилишича, Шарқий Европа ва Марказий Осиё ОИТВ ҳамда ОИТС билан зарарланишнинг янги ҳолатлари ортиб бораётган сайёрадаги ягона минтақа бўлиб турибди.
Изоҳ (0)