Ҳозирги кунда кўпчилик эртадан кечгача қимирламасдан ўтириб ишлайди. Узоқ вақт ўтириш натижасида умуртқа букчая бошлайди. Ички аъзолар бир жойда тўда бўлиб қолади, танглик эса уларнинг яхши ишлашига халал беради. Яъни қанча узоқ ўтирсангиз, соғлиғингиз шунча ёмонлашади.
Диққат марказида: думба
Биринчи навбатда сиз куни билан устида ўтирадиган думбаларга эътибор беришингиз керак. Бу соҳа учун бажариладиган машқлар нафақат думбага, балки белдаги зўриқишларни камайтиришга ҳам ёрдам беради.
Нима қилиш керак: Оёқларингизни тиззадан букиб ва қўлларингизни полга тираб ғилдиракча устига ўтиринг. Таянчни думбаларнинг биттасига ўтказинг. Энг оғрийдиган нуқтасини топиб ғилдиракни думалатинг. 2 дақиқа давомида мушакларни сиқинг ва бўшаштиринг.Диққат марказида: сонлар
Узоқ вақт ўтириш натижасида соннинг букиладиган мушаклари кичрая бошлайди ва сиқилиб қолади. Шунинг учун тўғри ҳолатда туриш қийинлашиб қолади.
Нима қилиш керак: Ёнбошга ётинг, ғилдиракчани сонларнинг юқори ташқи қисми тагига қўйинг. Диққатингизни оғрийдиган нуқталарга қаратинг ва ғилдиракчаларни думалатинг.Диққат марказида: умуртқанинг кўкрак қисми
Умуртқанинг кўкрак қисми учун бажариладиган машқлар — кўпчилик офис ходимларига хос бўлган «букчайиш аломатлари» дан азият чекаётганлар учун.
Нима қилиш керак: Чалқанча ётинг, тиззаларни букинг, товонларингизни думбалар томон тортинг. Ғилдиракчаларни кураклар чизиғидан сал юқорироққа жойлаштиринг. Юқорига қаранг ва ўзингизни қучоқланг. Диққатингизни орқангизга қаратинг, ҳолатингизни сақлаб туринг ва ғилдиракчаларни умуртқа бўйлаб пастдан юқорига томон думалатинг.
Манба: «Zdorovie.com»
Изоҳ (0)