Россия мамлакатдаги заҳарли моддалар захирасининг 98,9 фоизини йўқ қилди. Бу ҳақда кимёвий қуролларни хавфсиз сақлаш ва йўқ қилиш федерал бошқармаси бошлиғи генерал-полковник Валерий Капашин «Интерфекс»га маълум қилди.
«Россияда мавжуд 40 минг тонна заҳарли моддаларнинг 39 528 тоннаси, яъни 98,9 фоизи йўқ қилинди», — деди Капашин.
Капашиннинг таъкидлашича, бунинг учун махсус яратилган олтита объект маҳаллий заҳарли моддалар захираларини йўқ қилиб ўз вазифасини тўлиқ бажарган. Удмуртиянинг Кизнер посёлкасидаги сўнгги еттинчи объектда ишлар давом этмоқда.
Шунингдек, генерал-полковникнинг таъкидлашича, «Кизнер» объекти қуриб битказилган ва 1 июндан бошлаб кимёвий қурол захираларини йўқ қилиш учун иккита корпуси ишга тушади.
«2017 йилнинг сўнггига қадар биз барча хавфсизлик чораларини кўрган ҳолда Россиядаги кимёвий қурол захираларини бутунлай йўқ қиламиз», — дея қўшимча қилди Валерий Капашин.
Изоҳ (0)