Россиянинг Иркутск — Чита трассасида ибодатдан қайтаётган зиёратчилар тушган автобус ағдарилиб кетиши оқибатида 12 киши ҳалок бўлди. Бу ҳақда «ТАСС» хабар бермоқда.
10 киши воқеа жойида ҳалок бўлди, яна 2 киши касалхонага етказиш давомида оламдан ўтди. Авариядан сўнг касалхоналарга 34 киши етказилди. Улар оғир ва ўта оғир ҳолатда эканлиги айтилмоқда.
KIA Granbird автобуси 11 июнь, якшанбага ўтар кечаси Петровск-Байкалорти туманида ағдарилиб кетди. Дастлабки маълумотларга кўра, ҳайдовчи бошқарувни уддалай олмаган.
Полиция йўл ҳаракати ва транспорт воситаларидан фойдаланиш қоидаларининг бузилиши бўйича жиноий иш қўзғади.
Аввалроқ, ҳодиса оқибатида 11 киши ҳалок бўлганлиги хабар қилинган эди.
Изоҳ (0)