АҚШнинг NASA агентлиги янги синф астронавтларига айланадиган 12 киши рўйхатини эълон қилди, деб ёзади «Naukatv.ru».
Улар ушбу лавозимга даъвогарлик қилган 18 300 нафар номзод орасидан танлаб олинди. Энди улар бўлғуси сайёралараро парвозларга тайёрланади.
Астронавтлар жамоаси 28 дан 42 ёшгача бўлган беш аёл ва етти эркакдан иборат. Улар орасида Curiosity марсоходи билан шуғулланувчи олим, SpaceX компанияси мутахассиси, Массачусетс технология институти профессори ва тиббий ходимлар гуруҳи бор. Коинотга жўнашдан аввал жамоа икки йил давомида ўқиши керак.
NASA Ойга ва Марсга саёҳат қилиш учун катта юк кўтара оладиган ракета ва Orion капсуласини ишлаб чиқмоқда. Агентлик, шунингдек, бир гуруҳ одамларни тезкорлик билан Халқаро космик станцияга етказадиган ва яна қайтариб олиб келадиган тижорат учар қурилмаларини ишга туширишни режалаштирмоқда. Бундай парвозлар учун янги авлоддаги юқори малакали мутахассислар талаб этилади.
Изоҳ (0)